Будос дунне

Удмуртия Евроазиатской таёжной улосвыллэн Урало-Западносибирской таёжной провинциезлэн Камско-Печёрско-Западноуральской люкетаз пыре. Удмурт Элькунлэн уйшор люкетэз лымшор тайгае пыре, лымшор люкетэз – таёжной зоналэн куаро но лысо писпуо нюлэсъёслэн подзонаязы. Соос вискысь условной кунгожез нуыны луэ со интыостb, кытчыозь пашпу но тыпы пумиське: Селта черкогурт – Гуляво гурт (Вавож ёрос) – Бабино черкогурт (Дэри ёрос) – Вткинск кар гож кузя. Будосъёслэн инъет люкетсы нюлэсъёс луо. Соослэн улосвылын быдpалазы 1996-тb арын 44,4 % вал. Возьёс (турнан но пудо-живот возьман интыос) 7,7 % инты басьтbзы, нош азьло нюлэс интыосын пумиськись бусыос – 27 %, нюръёс – 3 %.
Будосъёслэн историзы вашкала геологи вакытэ кошке. Третичной вакытэ туала Удмурт Элькнлэн улосвылаз лысо но паськыт куаро писпуос будbзы, структурно но экологи ласянь соос дальневосточной нюлэсъёс выллемесь вал. Уйшор полушариын бадpым йj кынмон но кезьытскон бере, со нюлэсъёс лымшор пала чигназы, плейтоцен вакытэ но Удмуртилэн улосвылаз тундростепь выллем ландшафт вал. Удмуртиозь ледник jз ке но вуы (солэн пумыз элькунлэсь уйпалазгес вал), со дорын кылдэм куазьлы луыса, третичной будосъёс ваньмыз сямен быризы. Кылизы кjня ке гинэ «третичной реликт» шуонъёс.
10–11 сюрс ар талэсь азьло куазь шуныт луыны кутскемен, ледник чигназ, нюлэсъёс асьсэ интыосазы берытскизы. Кезьытэз чидась писпуос – кыз, пужым, ньылпу, кызьпу но пипу – вjлмизы. Собере куазь эшшо но шунытгес луэмен, паськыт куаро тыпы но сирпу вjлмо. Берлогес куазь я шуныт, я кезьыт луылbз. Будосъёс но воштbськылbзы. Удмурт Элькунысь будос дунне кылдонын суббореальной куазь, кудbз вашкала ыргон вакытэн xош угшаз, бадpым инты басьтbз. Адямиос соку гурт пудо-живот возьыны но но гурт хозяйствоосазы будосъёс будэтыны кутскизы. Та дырысен адямилэн ролез куазь воштонын бадpыма. Тbрен но тылэн турнан интыослэн, пудо возьманниослэн но бусыослэн быдpалазы будо. Писпуос пjлысь «вторичнойёсызлэн» (кызьпу но пипу) рользы будbз, нош инъетъёсызлэн (тыпы но лыстэм пужым (лиственница)) – пичияз. Адямиослэн лыдзы будbз но будbз. Кема аръёс xоже пудо-живот возьман но нюлэсъёсты коран Удмурт Элькунлэн лымшор люкетаз нюлэсъёстэм интыос кылдонозь вуттbзы. Огшоры jвjл, дыр, нырысетb сюрс арлэн шораз но пумаз Кам котырысь но Шор Волгаысь улосъёсы булгаръёс вуо, кудъёсыз азьло приазово-донской степьёсын улbзы. 16-тb даурлэн шорысеныз куазь нош ик кезьытске но со кезьыт дыр 19-тb даурлэн кутсконозяз кыстbське. Кызъёсын, ньылпуосын, пужымъёсын, кызьпуосын но пипуосын таёжной нблэсъёс элькунлэн улосвылаз валтbсь инты басьтыны кутско. Бусыосысь лымшор будосъёс (небыт но чурыт карликовой чабей, огшоры но итали тари (просо), китай фасоль; бутылка тусбуё йыды, векчи кидысэн кичи-вичи (чечевица)) ышо. Соос интыын озимой pег, сезьы, йыды, нош Удмурт Элькунлэн лымшораз вазь-двузернянка тросгес будэтыны кутско. Туала выллем куазь 19-тb даурлэн шор вакытаз юнматскиз.
Удмурт Элькунлэн улосвылаз 4 геоботанической ёрос висъяны луэ: Уйпал яке Чепецкой – валтbсь инты кызо яке кызо-ньылпуо нюлэсъёс басьто, нош беризь но сирпу туж жыт пумисько; Шор-;ытшор яке Кильмезь ёрос – пужымо нюлэсъёс бадpым инты басьто, трос нюр-кот интыос пумисько; Шор яке Можгинско-Ижевско-Воткинской ёрос – паськыт куаро но лысо писпуосын нюлэсъёс инъет инты басьто; Лымшор яке Алнашско-Сарапульской ёрос – нюлэсъёсын, кыз, ньылпу, но беризь сяна, пашпу но бадяр трос пумисько.