БЕЛОСЛУДЦЕВА Елизавета Ивановна (6.8.1920, Старая Гыя гурт, Кезского ёрос, УАССР–30.9.1986, Ижкар), экономи наукаосъя канд. (1954), наука удысын Удмуртилэн дано ужасез (1970).

Глазов педтехникумез 1938 арын быдэстыса, школаын дышетисьын, РОНО-ын, компартилэн райкомъёсаз ужаз. 1951–54 аръёсы Общественной наукаосъя академиын (АОН) дышетскем бераз Удмуртилэн партшколаяз дышетиз, кафедраен кивалтиз. 1957–86 аръёсы, кык арлы вис карылыса (партилэн обкомаз отделэн кивалтисе бырйылыкузы) Удмурт пединститутын но университетын доцент но дас вить чоже политэкономияя кафедраен кивалтись луыса ужаз. Наукаын эскероно ужпумез – промышленностез азинтонлэн экономикаез.

УАССР-лэн Выли кенешаз депутатэ бырйылэмын. «Знак Почёта» орденэн (1958) но медальёсын пусъемын.

Ужъёсыз : Удмуртия в период развёртывания реконструкции народного хозяйства и построения фундамента социалистической экономики 1926–1932//Очерки истории Удмуртской АССР. Ижевск, 1962. Т.2. (В соавт.); Развитие экономической науки в Удмуртии// Развитие науки в Удмуртии. Ижевск, 1977.

Лит.: Христолюбова Л. С. Ученые – удмурты. Ижевск, 1997.