«Авангард»,

удмурт но pуч кылын потb мер массовой газет. Кылдытbсьёсыз Вавож ёросысь депутатъёслэн кенешсы, Вавож ваньбуретэн кивалтbсь комитет но редакциын ужасьёс луо. Газет арняяз кык пол потэ. 1997-тb арын поттонлыдэз (тиражез) 1550 экземпляр вал. Нырысетb номерез «Ленинъя» нимын удмурт но pуч кылын большевикъёслэн Быдэс Союзысь большевикъёслэн коммунистической партизылэн (ВКП(б)) Вавож ёросысь комитетэзлэн но ёрос кенешлэн исполкомезлэн ёзэсэз (органэз) выллем 5-тb тулыспалэ 1933-тb арын потbз. 1954–1960-тb аръёсы газет «Ленинлэн сюресэз кузя» нимаськиз. Ёросэз быдтэмен сэрен газет ог-дырлы потэмысь дугдылbз. 1965-тb арын нош ик «Авангард» нимын потыны кутскиз. Редакторъёсыз: Н. М. Хохряков, С. С. Корепанов, С. С. Иванов, В. С. Антропов, К. В. Смирнов, А. Е. Комаров, Н. И. Бушмакин, Н. Д. Колзин. 1992-тb арысен арнялы быдэ «Герд выжыос» нимо удмурт кылын газет борды ватсан (приложение) потэ. Али дыре редакторез В. М. Гребина луэ.