АТАМАНОВ Михаил Гаврилович (в. 19.9.1945, Старая Игра (Вуж Эгра гурт) Грах ёрос УЭ), кылтодосчи, кылтодос наукаосъя д-р (1996), черклэсь вось книгаоссэ удмурт кылэ берыктись. УдГУ-ын кылтодосъя факультетэз (1975) но Тарту ун-тын аспирантураез быдэстыса, Историяя, кылъя но лит-рая удмурт ин-тын ужаз. Удмурт нимлыкъёсъя/ ономастикая онерчи. Воршуд но удмурт адями нимъёслэн, гуртъёс котырысь нимъёслэн кылдэмзы но али дырозь возиськемзы сярысь 4 монография но 150 пала статьяос гожтиз. Удмурт калыклэн кылдэмез пумысен статьяосын 2 бичет поттиз. 1990 арысен черкын ужа, Ижевск но Удмурт епархилэн референтэз, диакон. Удмурт кылэ 4 Евангелиез, Апостолъёслэсь ужъёссэс (Деяния апостолов), Молитвословез, Псалтирез берыктиз. Удмурт калыке христианство волмем тырысь нырысьсэ «Выль Сїзёнэз («Новый Завет») берыктиз (1997). Россиысь патриарх сое Святого равноапостольного князя Владимира III ст. орденэн пусйиз (1994). Иерусалиме ветлиз.

Ужъёсыз: Удмуртская ономастика. Ижевск, 1988; Удмурт нимбугор=Словарь личных имён удмуртов. Ижевск, 1990; История Удмуртии в географических названиях. Ижевск, 1997; Мой путь в Библию. Ижевск 1999.

Лит.: Av Anita Laakso . Livets största utmaning//Borislav Arapovi.c. Bibelns Sidenväg. Stockholm—Helsinhgfors—Moskva—Los Angeles, 1998. Л.С. Христолюбова.